Иш вақтида намоз
13:48 / 02.03.2020 | ..... | 1797
Ассалому алайкум! Алҳамдулиллаҳ яқиндан бошлаб 15 йиллик қазо намозларимни ўқишни йўлга қўйдим. Яъни хар намоздан кейин шу намоз фарзини қазосини хам қўшиб ўқияпман. Давлат ишхонасида ишлайман. Иш пайтида намозларни йўлини қилиб ўқиб оламиз. Ишда пешин намозини фақат фарзини ўқийман. Яқин орадан 4 ракат фарздан кейин яна 4 ракат қазо қўшиб ўқишни бошладим. Иш пайтида пешин 4 ракат фарзидан кейин 4 ракат қазо ўқишим дурустми ёки қазо ўрнига пешин намозини суннатлари билан тўлиқ ўқишим керакми?
«Зикр аҳлидан сўранг» ҳайъати:
– Ва алайкум ассалом! Суннатлари ҳам муаккада. Имкон борича уларни тарк этманг. Валлоҳу аълам!
