Шафоат Фотима онамиз орқали нозил бўлганми?

Ассалому алайкум! Бир маърузада эшитиб қолдим. Унда айтилишича: Али розияллоҳу анҳу Фотима онамизга уйланётган вақтларида махрга 400дирхам берганлар ва Росулуллоҳ салАллоҳу алайҳи вассалам қизларидан "шу махрга розимисан" деганларида Фотима онамиз рад жавобини берадилар. Шунда Аллоҳ таоло Фотима онамизга Жаброил а.с орқали вахий юбориб "Жаннатни махр қилиб бердим" дейди. Шунда ҳам Фотима онамиз розилик бермайдилар.Росулуллоҳ солАллоҳу алайҳи вассалам: Фотима қизим Аллоҳ таоло сенга Жаннатни маҳр қилиб берди сенга яна нима керак? деганларида Фотима онамиз: Отажон агар Аллоҳ таоло жамиики мусулмон умматини шафоатини қиёматда сизга беришга ваъда берса ана ўшанда мен рози бўламан деганлар. Сўнг Жаброил алайҳиссалом осмондан бир парча қоғоз олиб тушганлар. Унда "Аллоҳ таоло Росулуллоҳ салАллоҳу алайҳи васалламга умматнинг шафоатини берди" деган ваъдаси бўлган экан. Фотима онамиз ўша қоғозни вафотларигача ҳеч кимга билдирмай сақлаб келган эканлар. Шундай ҳадис мавжудми? Ростан ҳам умматнинг шафоати Фотима онамиз розияллоҳу анҳу орқали нозил бўлганми? Жавобингиз учун Ташаккур!