Қазо намозларини осон адо этиш
00:00 / 05.02.2012 | eski savollar | 4446
Ассалому алайкум Шайх ҳазратлари. Рухсатингиз билан сизга савол билан мурожаат этсам. Мени ўртача саккиз йиллик қазо намозларим бор. Шуларни адо этмай Аллоҳга рўбарў бўлишликдан қўрқаман. Бир неча бор қазо намозларимни ўқий бошладим. Кунига бир кунлик қазо намоз ўқидим. Аммо афсуски, бу кўпга бормай, ташлаб қўйдим. Энди ҳисоблаб кўрдим, кунига икки маҳал қазо ўқисам, саккиз йиллик қазо намозларимни, Аллоҳ умр берса йигирма йилда қазо намозларимни ўқиб тугатар эканман. Саволим: қазо намозларимни адо этишда шундай йўл тутсам бўладими? Аллоҳ сиздан рози бўлсин!
Шайх Муҳаммад Содиқ Муҳаммад Юсуф роҳимаҳуллоҳ:
- Бўлади. Аммо кўпроқ ўқиб, тезроқ бажарсангиз яна ҳам яхши бўлади.
