Закотда қарздан кечиш

Ассалому алайкум! Мен бир неча йил аввал бир одамга қарзини узиши учун оз-оздан пул бериб, ёрдамлашиб юборган эдим. Ўша маблағ йиғилиб каттароқ суммага айланган эди. У одам мендан ёрдамни шундай қабул қилишни хохламай, бу пулни қарз деб хисоблайман ва албатта узаман деган ва мен хам бунга рози бўлганман. Топганингизда узарсиз деганим учун у пул хақида ўйламасдим хам. Энди билсам, у пул ўзи нисобга етмаса хам, қўлимдаги тилла тақинчоқларимга қўшиб хисобласа нисобга етар экан. Энг афсусланарлиси, ўтган йил мен нисоб эгасимасман деб ўйлаб закот пули олган эдим. Энди нима қилишни билмаяпман. Берган қарзимдан воз кечиб юборсам, ўтган йиллар учун тўланмаган закот бўйнимдан соқит бўладими ёки закотни тўлаб кейин воз кечишим керакми? Бировдан олган закот пулини нима қилишим керак, берган одамга қайтиб берайми? Ёки берган қарзимдан воз кечсам олгам закотим халол бўладими?