Аллоҳ ҳақида
Ассалому алайкум! Мен қидириш хизматидан бу саволга жавоб топа олмадим, Мени анча йиллардан бери ўйлантириб келаётган, шу саволга жавоб топа олмасдан қалбим нотинч. Аллоҳ барчамизни яратган, У яратувчи эканига ишонаман, лекин у қандай яралган? Мен Қуръонни ўқидим, унда инсонлар бирор нарса хақида билишни хохласа қалблари ором топгунча сўрайверишга буюрилган.
– Ва алайкум ассалом! Агар бир киши сизга “Сен ҳам келажакда хотининг эмас сен ўғил туғасан” деса нима дейсиз? Аниқки “Мен эркак кишиман, болани аёл киши туғади” деб жавоб берасиз. Эркак киши туғадиган бўлиши асло мумкин эмас дейсиз ва бунга шак-шубҳа ҳам қилмайсиз. Аллоҳ таоло ҳам Яратувчи Зот, яратилинувчи Зот эмас. Яратувчи Зотнинг яратувчиси бўлмайди. У бу нарсаларни тўплаб бирор нарса ясовчини Аллоҳнинг яратувчи эканлигига қиёс қилманг. Валлоҳу аълам!
