Идда қайси кундан хисобланади
13:19 / 18.09.2020 | nilufar | 1298
Ассалому алайкум! Холамнинг хўжайини(эри) оламдан ўтди. Поччамиз соат тушликка яқин соат 11да оламдан ўтган эди. У кун холам уйда бўлди. Эртасига хам хеч қаерга чиқмади. Унинг эртасига сахар қабристонга борибди. Хўжайини ўтган аёл идда сақлаши хақида эштганмиз. Идда ўтириш одам ўтган кундан 3 кун ўтиб бошланадими ёки одам дунёдан ўтган вақтдан бошлаб хисобланадими?
«Зикр аҳлидан сўранг» ҳайъати:
– Ва алайкум ассалом! Ўлган вақтидан ҳисобланади. Ният шарт эмас, иддада қилиниши керак бўлган амалларни қилса бўлди. Валлоҳу аълам! Қуйидаги линкларда берилган мақолаларни ўқинг. Унда идда ҳақида маълумотлар берилган.
