Яна Сунний ақийдалар китобидан

Ассаламу аълайкум Шайх ҳазратлари! Аллоҳ Таъоло ишларингизга барака берсин! Сизга 11-июнь куни Ал-Ашъарий ҳақида айтилган хулоса ҳақида савол берган эдим. Ундан қониқарли жавоб олдим. Энди менда бундай савол пайдо бўлади. Яна ўша иқтибосга келсак(Сунний ақийдалар, 14-бет): “Ташбиҳга оид оятларнинг зоҳирини – сиртқи маъносини олган. Аммо ташбиҳга ўтмаган.” дегансиз. Энди савол шуки, Ашъарий ташбиҳга оид оятларнинг сиртқи маъносини олгану, энди қандай қилиб ташбиҳга ўтмаган бўлиши мумкин ёки аксинча, ўшани қандай тушуниш керак? Масалан, “Ар-Роҳману аълал Арши истава”нинг сиртқи маъноси – Аллоҳ Аршга баробарлашди деган маънони олиб туриб, ташбиҳга ўтмаган,-деган маъно чиқмайдими, ахир! Хато ёзган бўлсам Аллоҳдан кечирим сўрайман!Менинг ўйимни тушунарсиз деб ўйлайман. Илтимос сиздан, юқоридаги келтирилган иқтибосдаги жумлаларнинг орасидаги боғлиқликни мисол келтириб аниқроқ тушунтириб берсангиз.Агарда саволим ноўрин бўлса узр сўрайман!