Тинчлик (салом) ҳамда уруш (қитол) ҳақида

Ассалому алайкум, Шайх Муҳаммад Содиқ Ҳазратлари! Сиз жиҳоднинг уруш (қитол)дан фарқи ҳақида батафсил баён қилгансиз. Мусулмон аҳли ислом дини тинчликни тарғиб қилувчи дин эканини яхши билишади. Дастлабки 13 йилда урушмай, ноҳақликларга ҳам сабр қилиш тарғиб қилингани - бунинг инкор этилмас исботидир. Лекин кейинги пайтларда жиҳод сўзининг нотўғри талқин қилиш кўп ҳолларда зўровонликларга, жанжал ва ҳатто урушларга олиб келаётгани ачинарли ҳолдир. Сиз ҳар бир фикрингизнинг исботи билан келтирасиз, шунинг учун ҳам «Қуръони карим» бўлимида ушбу саволни қолдиришни лозим топдим, вақтингиз бўлганда ҳаммамизга ас қотувчи батафсил жавоб берарсиз деган умиддаман. - Қуръони каримда неча бор тинчлик (салом) калимаси қўллангану, неча бор жиҳод калимаси ишлатилган? Ва жиҳоднинг нечтаси уруш (қитол) маъносида келган? Ушбу саволга аниқ жавоб билсак, жиҳод деб жангга ундовчиларга ислом дини урушдан кўра тинчликка неча марта кўп ундашлигини айтиб, нафақат уларнинг йўлига киришдан ўзимизни тиямиз, балки уларни ҳам фикридан қайтара олишимиз мумкин деб ҳисоблайман. Жавоб учун олдиндан раҳмат!