Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Устоз Шайҳ ҳазратларига

00:00 / 14.05.2008 | eski savollar | 886
Ассаламу алайкум ва роҳматуллоҳ. Устоз,маслаҳат беринг. Анча булди, қарздор булиб қолганман. Жуда қийналиб кетдим. Тижорат қилардим. Ишим орқага кетди. Ҳозир жуда қийин аҳволдаман. Қарздорлик сабабидан оиламда ҳам тинчлик юқ. Ота-онам ҳам ҳафа мендан. Шу сабабдан базан огриб қолади. (ҳозир ҳам шу ҳолатда ёзаяпман) Дунё кузимга қоронгу куриниб кетяпти. Бу дунё қийинчилиги шунча булса оҳиратба қандай жавоб бераман. Аллоҳ учун ёрдам берадиган одам юқ. Жуда бошим қотган. Анчадан бери бир фикр ҳаёлимдан кетмайди. Банкдан кредит олмоқчиман. Аҳволим қийинлигидан бошқа чора тополмаяпман. (балки бу ишим ҳатодир,билмадим...) Бу ҳам қарз, лекин мен бу маблагни бойлик орттириш нийятида олаётганим юқ, пулни айлантириб қарзимни узсам дулди. Бир кунимни қарздорликсиз утказсам... Бир маҳал намозни қарздорликсиз адо қилсам... ҳаққимга дуо қилинг, илтимос.

Шайх Муҳаммад Содиқ Муҳаммад Юсуф роҳимаҳуллоҳ:

- Абу Ҳурайра розияллоҳу анҳудан ривоят қилинади:«Фотима Розияллоҳу анҳо Набий соллаллоҳу алайҳи васалламнинг ҳузурларига келиб ходим сўради. Шунда у зот унга:«Эй, Аллоҳим! Эй, етти осмоннинг роббиси ва улуғ аршнинг роббиси! Эй, роббимиз ва барча нарсанинг роббиси! Эй, Таврот, Инжил ва Қуръоннинг нозил қилувчи! Эй, донни ва данакни ёрувчи! Мен Сендан Ўзинг пешонасидан тутувчи ҳар нарсанинг шарридан паноҳ тилайман. Сен аввалсан! Сендан олдин ҳеч нарса йўқ! Сен охирсан! Сендан кейин ҳеч нарса йўқ! Сен зоҳирсан! Сендан устун ҳеч нарса йўқ! Сен ботинсан! Сендан пастда ҳеч нарса йўқ! Мени қарзимдан қутқар! Мени фақирликдан бой қил!» дегин дедилар».Ушбу учтани Муслим ва Термизий ривоят қилган.Қарзи бор ва фақирликка учраган одамларга ушбу дуони ўқиб юриш тавсия қилинадиБир мукотаб Али розияллоҳу анҳунинг олдига келиб:«Мен келишилган маблағни топиб беришдан ожиз бўлдим. Менга ёрдам беринг», деди.«Сенга Расулуллоҳ соллаллоҳу алайҳи васаллам менга таълим берган калималарни ўргатиб қўяйми? Агар зиммангда Сабийр тоғича қарз бўлса ҳам Аллоҳ уни сендан узади. «Аллоҳумма икфинии биҳалолика ан ҳаромика ва иғнинии бифазлика амман сивока» дегин», деди».Термизий ривоят қилган.Дуонинг маъноси-Эй, Аллоҳим! Менга ҳалолинг ила ҳаромингдан кифоя қилгин. Ўз фазлинг ила мени ўзингдан бошқалардан беҳожат қилгин.Ким ушбу дуони ният ва ихлос билан фарз намозлардан кейин ўқиб юрса Аллоҳ таоло унга қарзини узишда ёрдам беради.Аллоҳ таолонинг Ўзи ёрдам берсин!

Топ рейтинг www.uz Openstat