Уй сотувчи бўлиб ишлаш
04:42 / 22.07.2021 | Olmosbek Muxtorov | 904
Ассалому алайкум! Кўп қаватли домлар қуриб сотадиган фирмага ишга кирмоқчиман. Бунда мани вазифам келган мижозларга уйнинг кқулайликлари, чидамлиги ва ҳоказоларини тушунтиришим, мақташим керак. Лекин мижозлар ичида уйни кредитга оладиганлари ҳам ҳозирги кунда жуда ҳам кўпайиб кетган. Шу мижозлар уйни мани мақташларим орқали кредитга олишса, уларнинг рибога аралашганига шерик бўлиб қолмайманми? Шу ишда ишлашим жоизми?
«Зикр аҳлидан сўранг» ҳайъати:
– Ва алайкум ассалом! Сизга ҳеч ким кредитга оламан деб айтмаса керак. Сизни вазифангиз келган мижозларга уйнинг кулайликлари, чидамлиги ва ҳоказоларини тушунтириш бўлса шу вазифангизни аъло даражада ёлғон гапирмасдан адо қилсангиз ишлашингиз жоиз. Валлоҳу аълам!
