Грознийда ўқилган тарових намози.

Ассалому ъалайкум! Ҳурматли ҳазрат. Аллоҳ таъолодан барчамизни тоатида собитқадам қилишини ҳамда валий қулларидан бўлишни насиб этишини сўраймиз. Ҳазрат мен интернет сахифасидан машхур Хофизи куръон Шайх Мишари Рошиднинг 23. 08. 2011 йили Чеченистонда, Грознийга бўлган махсус сафарида тарових намозини адо этганлигидан ва ўша куни сизнинг ҳам аталмиш жойда иштирок этганлигинггиздан хабардор бўлдим. Аҳли илмларимизни, олимларимизнинг бир жойда бўлгани, ҳар қачон уларнинг зиёратларига талпинишимиз қандай ҳам яхши. Аллоҳ таъолодан бизга аҳли илмлари билан сухбатда бўлишни икром қилишига, У Зотнинг Жамолини кўриш билан мушарраф этишига муштоқмиз. ҳттп://www. ёутубе. cом/wатч? в=р6ИЖБЗБнпХҚ Шу ўринда ўзим кўриб, тушуна олмаган бир холат ҳақида сўрамоқчиман. Витр намозини ўқиш борасида, Қунт дуосини ўқимай, рукуга бориб, Рукудан қайтишда дуо қилиб, дуодан сўнг қўлини юзига ҳам суртмай саждага бош қўйганига амин бўлдим. Ушбу ҳаракатларни изоҳлаб берсангиз, илтимос. Ёзишимдан мақсадим буни сўраш эмас, Сизни шу ўринда кўриб ниҳоятда хурсанд бўлганлигим, илмга талпинишим. Ташаккур. Қимматли вақтинггизни олганимга, маъзур тутасиз Ассаламу ъалайкум ва роҳматуллоҳи ва баракатуҳ!