Аллоҳ учун дўстлашиш

Ассалому алайкум! Қиёмат кунида етти тоифа инсонларни Аллоҳ ўз соясига олиши хақидаги хадис жуда машхур. Шулардан бири Аллоҳ учун мусулмон биродари билан муҳаббатли дўстлашишдир. Алҳамдулилаҳ, иймонда ва ибодатдаман. Жамоатга қатнашаман. Ўзим таниган билган мусулмон биродарларимни, синфдош биродарларимни, иймонда, ибодатда, тақвода бўлгани учун, мен хам буларни аллоҳ йўлида яхши кўраман. Улардан хар доим хол-ахвол сўраб тураман. Вақт ажратиб уйига кўргани бораман. Байрамларда йўқлаб тураман. Хеч бўлмаганда, телефон орқали хабар оламан. Улар менга ёмон муомала қилишмайди, лекин хафа бўладиганим.... " Бирон марта ўзларича мени на йўқлашади ва на хол-ахвол сўрашади. Хаттоки касал бўлиб ётиб қолсам хам улардан биронтаси қизиқмайди. " Уларга Аллоҳ учун яхши кўришимни, ва юқоридаги хадисни айтиб қўйганман. Мен ўзимни уларга кераксиз одамдай хис қиламан. Саволим ; базида шу биродарларимдан хафсалам пир бўлиб кетади. Хабар олиш, муҳаббат, дўст тутиниш бир томонлама бўлиб қолган. Мен хадисдаги дўстлашувчилардан бўламанми?