Ёмон ва яҳшиликлар юқуши
00:00 / 04.07.2008 | eski savollar | 2107
Бир биродаримизнинг айтишича 1та уйда яшаётган шаҳсларнинг одатлари бир бирига юқармиш. Мисол учун у кишини айтишича орамизда бомдодга турмай уҳлаб қоладиган шаҳснинг одати ҳар куни 5 маҳал ўз вақтида намозини ўқийдиганларга таъсир қилиб улар ҳам бомдодга туролмайдиган бўлиб қолармиш. Уни ҳонадонларидан ҳайдаб чиқариш лозим дейишмоқда. Савол шуки 1 шаҳснинг ёмон ва яҳши одати 2-бир шаҳсга юқиши юқорида айтилгандек бўлиши мумкинми?бундай ақида мусулмонларда борми?
Шайх Муҳаммад Содиқ Муҳаммад Юсуф роҳимаҳуллоҳ:
- Бундай гапларни айтишдан олдин бир оз ўйлаш ва ақл тарозусига солиб кўриш керак. Бир уйда бир одам ухлаб қолар экан. Бошқалари ухламас экан. Нима учун ухламайдиган беш – ўн кишининг одати бир кишига юқмай, бир кишининг ёмон одати кўпчиликка юқади?! Ўша уйқучини уйдан ҳайдаб чиқаришнинг ўрнига намозга туришни ўргатиш афзал эмасми?! Умуман, одат юқади деган гап йўқ.
