Спиртли ичимликлар қўйилган дастурхонда ўтириш
12:41 / 30.12.2013 | Nodir Al-Qobiliy | 3068
Аллоҳ қилаётган ҳайрли ишларингизни зиёда қилсин. Байрам ва бошқа ўтиришларда дўстларим мени чақиришади. Лекин улар орасида спиртли ичимликлар ичадигани ҳам бор. Мен уларга “спиртли ичимлик қўйилган зиёфатларга бормайман” деб айтаман. Улар “ўзинг ичмасанг бўлдику” дейишади ва қаршилик кўрсатсам ҳужжат сўрашади. Спиртли ичимликлар қўйилган дастурхонда ўтириш мумкин эмаслиги ҳақида ҳужжат борми? илтимос шунга батафсил тўхталсангиз.
Шайх Муҳаммад Содиқ Муҳаммад Юсуф роҳимаҳуллоҳ:
Аллоҳ таоло мўмин бандани ҳаром ва гуноҳ нарсаларга яқинлашмасликка амр қилган. Ароқ бор дастурхонда ўтириш гуноҳдир. Сиз қизиқ одам экансиз. Улар далил келтир деса, сўрайверасизми?. Сенлар ароқ ичишга рухсат борлигига далил келтиргин, кейин мен келтираман демайсизми?!
