Emirates авиакомпаниясида ишлаш
Ассалому алайкум! Дубайдаги Emirates авиакомпаниясига экипаж азоси сифатида ишга кирмоқчи эдим, лекин у ерда парвоз вақтида вино ёки шунга ўхшаган спиртлик ичимлик тарқатилиши мумкин(ҳозирча аниқ билмайман). Агар мабодо шунга ўхшаш нарсалар аралашга жой бўлса у ерда ишлашим ножоизми?
– Ва алайкум ассалом! Ўша ҳаром нарсаларга мутлақо аралашмасдан ишлашингиз жоиз. Аммо ичувчиларга олиб келиб ёки мақтаб далолат қилсангиз қуйидаги ҳадисни остига кирасиз:
عَنْ أَنَسٍ رَضِي اللهُ عَنْهُ قَالَ: لَعَنَ رَسُولُ اللهِ صَلَّى اللهُ عَلَيْهِ وَسَلَّمَ فِي الْخَمْرِ عَشْرَةً: عَاصِرَهَا، وَمُعْتَصِرَهَا، وَشَارِبَهَا، وَحَامِلَهَا، وَالْمَحْمُولَةَ إِلَيْهِ، وَسَاقِيَهَا، وَبَائِعَهَا، وَآكِلَ ثَمَنِهَا، وَالْمُشْتَرِيَ لَهَا، وَالْمُشْتَرَى لَهُ. رَوَاهُ التِّرْمِذِيُّ وَأَبُو دَاوُدَ
Анас розияллоҳу анҳудан ривоят қилинади:
«Расулуллоҳ соллаллоҳу алайҳи васаллам хамр(ароқ)да ўн(киши)ни лаънатладилар: уни сиқувчисини, сиқишни буюрганни, ичувчисини, ҳаммолини, кўтартириб юрувчисини, қуйиб берувчисини, сотувчисини, баҳосини еювчисини, сотиб олувчисини ва сотиб олиб келиб берувчисини».
Термизий ва Абу Довуд ривоят қилганлар. Валлоҳу аълам!
