Ишчиларга кунлик хақ тўлаш
Ассалому алайкум! Мен устаман. Мен обектларни улчамига қараб хақ оламан. Масалан битта хонанинг неча м² эканлигига қараб хақ оламан. Саволим шундан иборатки, мен уста болаларни кунлик хақ эвазига ишлатишим жоизми. Мен билан бир хил иш қилишади, лекин ишни мен гаплашганим учун ва уларни иш билан таминлаганим учун уларга кунлик ёки ойлик хак тўлашим жоизми? Уларнинг устидан олган пулим мен учун халолми?
– Ва алайкум ассалом! Бирор ишни бажариб бериш борасида шартнома тузиб, ўша ишнинг бажарилиши жавобгарлигини тўлиқ зиммангизга олиб, сўнгра ўзингиз бошқа ишчиларни кунлик ёки ойлик ёки ишбай қилиб ёллаб ўша ишни уларга битиртиришингиз жоиз. Шарти шуки, иш эгаси ўша ишни айнан ўзингиз бажаришингиз лозимлигини шарт қилмаган бўлсин. Ишчилар ҳам айнан сиз билан битм тузишсин. Валлоҳу аълам!
