Ғусл ва тахорат
Ассалому алайкум! Аёлим бази сабабларга кўра 1 ярим йилдан ошиқ яшамайман 5 вақт намоз ўқийман. Хозирда салга шахватим келиб деярли хар куни фахш нарсалар кўрмайман, олатимдан маний келиб қоляпти ғусул қилиш учун иш жойимда шароит йўқ. Шунда тахорат қилиб намоз ўқисам бўладими?
– Ва алайкум ассалом! Сиз ўша чиқаётган нарса нима эканини аниқлаштиринг.
«Маний» – шаҳват шиддатлашган пайтда отилиб чиқадиган суюқликдир.
Эркак кишининг манийси қуюқ ва оқ, аёл кишининг манийси суюқ ва сарғиш бўлади.
«Мазий» – эркак кишининг жинсий аъзосидан жинсий алоқани ўйлаган ёки хотинини қучоқлаган пайтда чиқадиган оқ суюқлик.
«Вадий» – бавл қилгандан кейин баъзида ажраладиган қуюқ оқ суюқлик.
Мазий ёки вадий чиққанидан ғусл қилиш йўқ.
Маний шаҳват билан отилиб чиқса, ғусл вожиб бўлади. Валлоҳу аълам!
