Мусофир киши
Ассалому алайкум! 1. Бир нарсага тушуна олмай турибман. Мен уйимдан 90 чақирим жойга борсам мусофир бўламан. Бир китобда ўқидим у ерда неча кун туришини ният қилса у инсон Муқим ҳисобланар экан. Лекин мен неча кун туришимни ният қилмайман. Бу ҳолатда мен мусофир бўлманми ёки Муқим бўламанми? 2. Яна шунга оид саволим бор эди. Агар ўша ерда мен мусофир бўлсам. Мен фарз намозларимни 2ракат ўқийманми ёки 4ракат ўқийманми?
– Ва алайкум ассалом! 1). Шаръий сафар масофаси (86 км) ни қасд қилиб йўлга чиқсангиз, ўзингиз турган шаҳар ёки қишлоқнинг ҳудудидан чиқишингиз билан мусофирга айланасиз. Мусофир эса 4 ракатлик фарз намозларини (пешин, аср, хуфтон) 2 ракат қилиб ўқийди. Бу намозни қаср ўқиш дейилади. Энди ўша боришни қасд қилган шаҳар ёки қишлоғингизда 15 кун ёки ундан кўпроқ вақт туришни ният қилмаган бўлсангиз, ёки қанча вақт туришингизни билмасангиз ўша ерга етиб борганингизда ҳам мусофирлигингизча қолаверасиз. Аммо ўша ерда 15 кун ёки ундан кўпроқ вақт туришни ният қилган бўлсангиз, у ерга етиб боришингиз билан мусофирликдан чиқасиз ва муқимга айланасиз. Муқим эса фарз намозларнинг ракатларини тўлиқ ўқийди. Валлоҳу аълам!
Ушбу линкларда берилган мақолаларни ўқинг:
