Пулли турнир ташкил қилса бўладими?
Ассалому алайкум! Анчадан бери қидириб тополмаган ва бошламоқчи бўлиб юрган ишим бўйича савол бермоқчи эдим. Пуллик мусобақалар ўтказса бўладими яна қандай манода ташкилотчи мусобақани ташкил қилади масалан ташкилотчи турнирни ташкил ва ютуқни 3млн сўм деб белгилади лекин бу 3 млн сўмни ўзи бермайди бу пулни қатнашчилардан йиғади масалан 100 иштирокчи бор қатнашиш нархини 30 минг сўм қилиб белгилади ва ўзига ҳеч қандай фойда олмади 2-холатда қатнашишни 40 минг сўм қилиб белгилади ва ўзига 1 млн сўм олиб қолди (турнирни ташкиллаштириш кетган сарф ҳаражат ёки ўзининг қилган ҳаракати учун чунки турнир 1 ҳафта давом этса шунча вақт йўқотгани учун дейлик) шу 2 та холатни аниқлаштириб беришингизни илтимос қилардим олдиндан катта раҳмат
– Ва алайкум ассалом! Сиз айтган икки ҳолат ҳам жоиз эмас. Бу айни қимордир.
Икки ёки ундан кўп томон пул тикиб, оқибатда бирининг фойдасига бўладиган ҳар бир ҳолат қимордир. Шу қоидага тушгани учун жоиз эмас. Турли ўйинлардаги ютқазган пулини тўлаш ҳам қимордир. Қимор икки ишдан иборатдир. Бир тарафдан пул тўланиши аниқ, нарига тарафдан тўланиши аниқ эмас. Иккинчиси пул тиккан кишининг ҳолати икки қисмга бўлинади. Тиккан пули тўлалигича ботиб йўқ бўлади ёки нариги тарафнинг молини тўлалигича тортиб келади. Валлоҳу аълам!
