Сутра ҳақида
16:30 / 13.01.2023 | Xushnudbek | 612
Ассалому алайкум! Имомни сутраси жамоатга кифоя қилади деб ўқиганман. Шу фақат фарз намозларига тегишлими? Мисол учун, муқтадий пешин намози фарзини жамоат билан ўқиб тугатди. Охирги суннатини аввалроқ ўқиб тугатган бўлса, ҳали суннатни ўқиётган одамларни олдидан ўтиб кетса, тугатмаганларни намози бузилмайдими?
«Зикр аҳлидан сўранг» ҳайъати:
– Ва алайкум ассалом! Имомнинг сутраси жамоатга кифоя қилиши улар имомга иқтидо қилган намозга хосдир. Суннат намозларини ҳар ким ўзи ўқийди ва ҳар кимнинг сутраси алоҳида бўлади. Валлоҳу аълам!
