Никоҳда қизбола ггувоҳ бўлиши
23:49 / 19.01.2023 | Mohirabonu | 1523
Ассалому алайкум! Мени ўзим Андижонданман. Бир дугонамни тўйи бўлиб ўтди. Мен келиннинг гувоҳи (свидител) бўлиб ёнида юрдим, никоҳ ўқилганда ҳам гувоҳликка мен билан келиннинг холаси бирга ўтирдик. Эшитишимча никоҳга гувоҳлик бергани қиз бола кириб бўлмас экан (яъни турмуш қурмаган қиз гувоҳликка кирса бўлмас экан) агар кирса унга ҳам никоҳ тушиб қолар экан.
«Зикр аҳлидан сўранг» ҳайъати:
– Ва алайкум ассалом! “турмуш қурмаган қиз гувоҳликка кирса бўлмас экан агар кирса унга ҳам никоҳ тушиб қолар экан” деган бунақа гап динимизда йўқ. Буни динни яхши билмайдиган одамлар тўқиб чиқаришади. Шаръий никоҳ дуруст бўлиши учун унга камида икки балоғатга етган мусулмон эркак ёки шундай сифатдаги бир эркак ва икки аёл гувоҳ бўлиши шарт. Валлоҳу аълам!
