Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Онам намоз ўқиб рўмол ўрашимга норози

18:01 / 01.02.2023 | Shaxinabonu | 900

Ассалому алайкум! Мен 3 ой олдин суяк (остеохондроз, полиартрит) ва нервлар тортишиб қолиши билан боғлиқ касалликдан тузалиб чиқдим. Ва 20 кунларча олдин бачадон йўлидаги кистани олдириб операция бўлдим, хозирда онамни уйларидаман, операциядан сўнг менга, фарзандларимга қарашни бўйинларига олдилар. Алхамдулиллах Аллоҳнинг хидоят йўлига кириб, ҳозирда 5 вақт намоз ўқияпман ҳамда хижобга кирганман. Ундан сўнг анча ўзимни хотиржам ва енгил ҳис етияпман. Аммо менинг онам 5 вақт намоз ўқишимга, касаллигим суяк ва нервлар билан боғлиқ бўлганлиги ва болаларим ҳали кичик, ҳамда чақалоғим бўлганлиги боис ва яқинда операция бўлганлигим туфайли, менга намоз ўқишни қатъиий ман қилиб қўйганлар, намоз ўқишга умуман йўл йўй қўймаяптилар, намоз ўқисам жанжал қилиб, қарғаб (мени, намозни, аҳли илм, уламоларни, домлаларни) кетяптилар... 1) Онамни ҳарбир гапи ўтади дейдилар, онамни норози қилиш керак эмаслиги биламиз, бу қарғаётганларни ҳукми қандай бўлади менга? ҳеч бўлмаса намоз ўқимасам ҳам зикр қилиб турган пайтимда қўлларимдан тасбеҳимни олиб узиб, бузиб ташлаябтилар, қаттиқ ғазабдалар, ҳижобингни ҳам ечасан, намоз ҳам ўқимайсан деб туриб олгандар, менга йўл кўрсатинг, онамга қандай тушунтирай? У кишига ҳечкимни гапи ўтмайди. Ҳали ўзинг яхшилаб тузалиб ол, чақалоғингни болаларингни катта қилиб ол кейин намозни ҳам ўқийсан, менга ва болаларимга қараётганларини бот-бот юзимга уриб, миннат қилиб, шу билан мани йўлдан қайтармоқчилар, хижобни ҳам ёшинг каттароқ бўлсин киясан деб турибтилар. Кимдир сени йўлдан урияпти, эринг, қайниопаларинг сени сеҳрлаб қўйишган деб тинмасдан гапирмоқдалар. Мени бу йўлдан қайтаришга қаттиқ киришганлар, кўп уринмоқдалар. Биламан улар мани соғлигимни ўйлаб айтаётгандирлар аммо мен шусиз юрсам ўзимдай эмасман. Бу қилиқларидан, ҳатти-ҳаракатлардан қочиб кетишни истайман лекин қаерга билмайман. Ўзи уйимга борсам, мени касал ҳолимни тушунишмайди, қайнона қайниотам ҳам, болаларимга эътибор билан қараб ғамҳўрлик қилолмайман, келин фақат тинмасдан уй ишларини қилиши керак, боламга ҳам қарашмайдилар. Жуда катта аросатда қолиб кетганман. Мени бу йўлдан қайтаришга кўп уринмоқдалар. Мен Энди бу йўлдан қайтиш ниятим йўқ. Аҳир бу фарзку. Мен нима қилай? Ўртада сарсон қолиб кетганман.


«Зикр аҳлидан сўранг» ҳайъати:

– Ва алайкум ассалом! Аллоҳнинг фарзида бандасидан рухсат сўралмайди. Сиз Аллоҳга итоат қилинг. Бундай ҳолатда Аллоҳ таоло буюрган ҳар бир амални ўз ўрнида бажаринг. Бу борада улар ҳар қанча норозимиз десалар ҳам ҳеч қандай эътибори йўқ. Дунёвий ишларда гўзал муомалада бўлинг. Сабр қиласиз ажрини оласиз. Бу каби ҳолатлар саҳоба розияллоҳу анҳумларнинг даврларида жуда кўп бўлган. Расулуллоҳ соллаллоҳу алайҳи васаллам бундай ўринларда уларга исломнинг энг гўзал ахлоқи ила муомалада бўлиб, улар буюрадиган ношаръий ишдан четда бўлишни буюрганлар. Сиз гўзал ахлоқ ва олий одоб билан муомала қилаверинг.

عَنْ سَعْدِ بْنِ أَبِي وَقَّاصٍ رَضِي اللهُ عَنْهُ قَالَ: حَلَفَتْ أُمُّ سَعْدٍ أَلَّا تُكَلِّمَهُ أَبَدًا، وَلَا تَأْكُلَ وَلَا تَشْرَبَ حَتَّى يَكْفُرَ بِدِينِهِ، وَزَعَمْتَ أَنَّ اللهَ وَصَّاكَ بِوَالِدَيْكَ وَأَنَا أُمُّكَ وَأَنَا آمُرُكَ بِهَذَا، فَمَكَثَتْ ثَلَاثًا حَتَّى غُشِيَ عَلَيْهَا مِنَ الْجَهْدِ، فَقَامَ ابْنٌ لَهَا يُقَالُ لَهُ عُمَارَةُ فَسَقَاهَا. وَفِي رِوَايَةٍ: فَإِذَا أَرَادُوا أَنْ يَسْقُوهَا شَجَرُوا فَاهَا بِعَصًا ثُمَّ أَوْجَرُوهَا، فَجَعَلَتْ تَدْعُو عَلَى سَعْدٍ، فَأَنْزَلَ اللهُ تَعَالَى  (وَوَصَّيْنَا الْإِنسَانَ بِوَالِدَيْهِ حُسْنًا وَإِن جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا). رَوَاهُ مُسْلِمٌ هُنَا وَالتِّرْمِذِيُّ فِي التَّفْسِيرِ 

Саъд ибн Абу Ваққос розияллоҳу анҳудан ривоят қилинади: 
«Саъднинг онаси унга ҳатто у ўз динига куфр келтирмагунича ҳеч ҳам унга гапирмасликка, еб-ичмасликка қасам ичди. Ва «Аллоҳ сенга ота-онанга итоат қилишга амр қилган, мен онангман, мен сени шунга амр қилмоқдаман!» деди. Бас, уч кун туриб, қийналганидан ҳушидан кетиб, йиқилди. Унинг Умора деган ўғли туриб, унга 
(бир нарса) ичирди».
Бошқа ривоятда:
«Қачон унга ичимлик ичирмоқчи бўлишса, оғзини чўп билан очиб туриб, қуйишар эди. У Саъдни дуоибад қила бошлади. Бас, Аллоҳ таоло: «Ва инсонга ота-онасига яхшилик қилишни тавсия ‎қилдик. Агар улар сени ўзинг билмаган ‎нарсани ‎Менга ширк келтиришингга зўрласалар, бас, уларга ‎итоат этма!»ни нозил қилди», дейилган. Муслим бу ерда, Термизий эса «Тафсир»да ривоят қилганлар. 
Шарҳ: 
Бу ўша вақтнинг мушриклари янги мусулмонларни азоблашнинг турли услубларини топганларига яна бир далилдир. Саъд ибн Абу Ваққосга нисбатан у кишининг оналари маънавий азоб берган. Энг азиз киши бўлмиш она «Динингдан қайтмасанг, сенга гапирмайман, ўзим еб-ичмайман», деб туриб олиши ўғил учун энг оғир маънавий азоб бўлиши турган гап. Эҳтимол, ундан кўра калтаклаб, азоб берсалар, енгилроқ бўлармиди?! 
Саъд ибн Абу Ваққоснинг оналари билан бўлиб ўтган бу можара ҳақида имом Термизийнинг юқорида зикр қилинган «Ва инсонга ота-онасига яхшилик қилишни тавсия ‎‎қилдик. Агар улар сени ўзинг билмаган ‎нарсани ‎Менга ‎ширк келтиришингга зўрласалар, бас, уларга ‎итоат ‎этма!» оятининг («Анкабут» сураси, 8-оят) нозил бўлиш сабаби ҳақидаги ривоятларини ўргансак, ҳолат яна ҳам равшанлашади. Имом Термизий бу ҳақда қуйидагиларни ривоят қиладилар: «Ушбу оят Саъд ибн Абу Ваққос розияллоҳу анҳу ва унинг онаси Ҳамна бинти Абу Суфён ҳақида нозил бўлган. У онасига яхшилик қилувчи эди. Онаси унга: «Бу янги дининг нима ўзи? Аллоҳга қасамки, аввалги ҳолингга қайтмагунингча, ўлсам ҳам овқат емайман, ичимлик ичмайман. Кейин умрбод шу билан ор-номусга қолиб кетасан. Сени «Эй онасини ўлдирган», деб чақиришади», деди. Сўнгра аёл бир кечаю бир кундуз таом емай, ичимлик ичмай ётди. Сўнгра Саъд розияллоҳу анҳу унинг олдига келиб: «Эй онагинам, агар сенинг юзта жонинг бўлса-ю, битта-биттадан чиқиб турса ҳам, мен динимдан қайтмайман. Агар хоҳласанг, еб-ич, хоҳламасанг, еб-ичма», деди. Саъднинг динидан қайтишидан ноумид бўлган онаси еб-ичди. Ана шунда Аллоҳ таоло юқоридаги оятни нозил қилди». Уламоларимиз юқорида зикри келган ояти кариманинг Саъд ибн Абу Ваққос розияллоҳу анҳу ҳақларида нозил бўлганлигини таъкидлашади. У киши Макка ёшлари ичида онасини ҳурмат қилиш билан ном чиқарган эдилар. Бошқа ёшларга онани эҳтиром этишда Саъд розияллоҳу анҳу мисол қилиб кўрсатилар эди. Иймонга келганларидан сўнг Саъд ушбу нозик нуқтада синовга учрадилар. Аммо у киши иймонни устун қўйдилар. Ўн етти ёшли ёш йигит Саъд ибн Абу Ваққоснинг дин йўлида қилган бу ишлари мисли кўрилмаган қаҳрамонлик эди. Шу билан бирга, Саъд ибн Абу Ваққос оналарига яхшилик қилишда бардавом бўлдилар. Чунки Аллоҳ таолонинг «Ва уларга бу дунёда маъруф ила соҳиб бўл» деган қавлига биноан, Расулуллоҳ соллаллоҳу алайҳи васаллам у кишига оналарига яхшилик қилишда бардавом бўлишни амр қилган эдилар.  («Ҳадис ва Ҳаёт» китобидан). Валлоҳу аълам!

Топ рейтинг www.uz Openstat