Намоздаги қироат ҳақида
Ассалому алайкум! 1). Намоздаги қироат бу нима? 2). Намозда сано, истеъоза, басмала ва бошқа суннат ва вожиб бўлган зикрлар маъно бузиладиган даражада хато ўқилса, намоз дуруст бўладими? Агарда шундай ўқиб келган бўлса, намозларни қайтадан қазосини ўқиши керакми? Агар шундай хатони намоздалигидаёқ англаса қандай йўл тутилади?
– Ва алайкум ассалом! 1). Қироат бу намознинг фарзидир. Қироат деганда фарз намознинг икки ракъатининг ҳар бирида ҳамда витр ва нафлнинг ҳар бир ракъатида бир оят қироат қилиш тушунилади. Бу энг оз миқдордир.
2). Суннат зикрларни тарк қилса ёки хато ўқиса намоз бузилмайди, лекин нуқсон билан адо бўлади. Вожибни тарк қилса ҳам намоз бузулмайди, лекин саждаи саҳв вожиб бўлади. Агар саждаи саҳв қилмаган бўлса намоз вақти чиқиб кетмасидан аввал намозни қайта ўқийди. Ундан кейин қайта ўқимайди. Валлоҳу аълам!
