Тўрткўл 95 ўйини ҳақида
Ассалому алайкум! Интернетда Турткул 95 номли уйин пайдо болиб, унда Узбекистон, Россия, Козокистон ва шунга ухшаш куплаб давлатлардан мусулмон биродарларимиз уйнаб келишмокда. Уйин уйнаш учун 1500 рубл ёки 250000 сум пулни уйин ташкилотчиларининг картасига ташлаб бериш керак. Хафта якунида маълум микдордаги иштирокчилар автомобил ютиб олишади. Бу уйин киморга кирмайдими? Ютуг харом хисобланмайдими?
– Ва алайкум ассалом! Ёзишингиздан бу қиморга ўхшайди.
Қоида: Икки ёки ундан кўп томон пул тикиб, оқибатда бирининг фойдасига бўладиган ҳар бир ҳолат қимордир. Шу қоидага тушгани учун жоиз эмас. Турли ўйинлардаги ютқазган пулини тўлаш ҳам қимордир. Қимор икки ишдан иборатдир. Бир тарафдан пул тўланиши аниқ, нарига тарафдан тўланиши аниқ эмас. Иккинчиси пул тиккан кишининг ҳолати икки қисмга бўлинади. Тиккан пули тўлалигича ботиб йўқ бўлади ёки нариги тарафнинг молини тўлалигича тортиб келади. Валлоҳу аълам!
