Жоизми
23:00 / 22.07.2023 | Navro'z | 241
Ассалому алайкум! Мен талабаман. Ўқув йили бошида квартирада туришга мажбур бўлдим. 1 ойдан кейин квартирадан чиқиб кетдим. Ва университет ётоқхонасига жойлашдим. Биламизки ҳозир квартирадаги талабаларга давлат томонидан мах 300 минг сўм пул ажратилади. Мен ҳам ҳозиргача оламан. Лекин валлоҳу аълам 1 тийинга ҳам хиёнат қилмасдан, болалар уйига беряпман. Пул берувчилар қаторидан чиқариб ташлашга ҳам деканатга айтганман. Шу берилган пулларни нима қилсам тўғри бўлади? Болалар уйига берганим мақулми ё бошқа муҳтожларга ҳам берсам бўладими?
«Зикр аҳлидан сўранг» ҳайъати:
– Ва алайкум ассалом! Университет ҳисобига қайтариб бериш керак. Тегишли бўлимга мурожаат қилинг. Валлоҳу аълам!
