ИЕЛТС (инглиз тили имтиҳони)нинг сўзлашув босқичи

Ассалому алайкум, ҳурматли Шайх Ҳазратлари! Аллоҳ илмингизни бунданда зиёда қилсин, биз кабиларнинг саволларига жавоб беришда чарчаманг. Ҳазрат, ҳозирги кунда ИЕЛТС [AYLTS] (халқаро инглиз тили тест тизими) сертификатига эга бўлиш учун имтиҳон топшириляпти. Кўпгина кимсалар "сўзлашув" босқичида имтиҳон олувчи гапнинг фақат грамматикаси ва мантиқийлигигагина эътибор беради дейишади (ёлғон-ростлигига эмас). Билимимга кўра, сохта маълумотларни гапириш ва тил қоидасига мослаштиришим рост маълумотларга нисбатан қулайроқ. Шу ҳолда тўқима маълумотларни гапирсам бўладими? Ва илтимос (шу йили ўқишга кирмасам баъзи сабабларга кўра ўзимга қийин бўлиб қолади деб ўйлаяпман) имтиҳон топширувчилар ҳаққига дуо қилиб қўйинг.