Томирга укол қилганда шприцга чиққан қон таҳоратни бузадими?

Бизга билмаган, сураган нарсаларимизда ҳеч эринмай ва толиқмай жавоб бераётганингиз учун яратган Буюк Аллоҳ сиздан рози бўлиб, сизни буюк мақомларда ҳозир қилсин! Азиз устоз, сизни қимматли вақтингизни олишимга мажбур қилган ва излаш хизматидан тополмаган қуйидаги саволимни беришга ижозат этсангиз. Савол; Таҳоратли киши шифохонада даволаниш учун томиридан укол олаётганда барча ҳамширалар айнан томирга тушган-тушмаганини билиш учун шприцга шу инсонни томиридан шприцга озгина қон чикариб олади. Шу чиққан қон, яна қайта томирга дори билан кириб кетса ҳам ташқарига чиққанлигидан таҳоратни бузадими? Албатта игна ўрнидан қон чиқиб, бир томонга оқса таҳорат синишини билган ҳолда сураябман устоз. Жавобингиз учун олдиндан ташаккур.