Кўп қаватли уйларда ҳожатхона
Ассаламу алайкум! Мен айни вақтда Россияда яшайман. Собиқ шуъро давлати вақтида қурилган кўп қаватли уйларнинг ванна билан ҳожатхона бир хонада жойлашган. Таҳоратли бўла туриб, бир юмуш туфайли кир бўлган қўлни ювиш учун ўша ерга(яъни ваннахонага) кирса, таҳорати кетадими? Жавоб учун олдиндан раҳмат.
Ва алайкум ассалом! Унинг бузувчиси: икки йўлдан ёки улардан бошқасидан чиққан нарса, агар у нажас бўлса ва покланадиган жойга оқса. Ёки суюқ қонни қайт қилиш, агар у билан тупуги қизарса. Агар у билан тупук сарғайса, ҳисоб эмас. Ундан (суюқ қондан) бошқасини қайт қилиш ҳам, агар оғизни тўлдириб чиқса. Балғам ташлаш асло таҳоратни синдирмайди. Бетаҳорат қилмайдиган нарса нажас эмасдир. Суянган нарсаси олиб ташланса, йиқилиб тушувчининг уйқуси. Ҳушидан кетиш. Жинни бўлиб қолиш. Балоғатга етган кишининг тўла-тўкис намозда қаҳқаҳали кулиши. Уят жойларнинг кийимсиз ҳолда бир-бирига тегиши. (Кифоя).
Юқоридагилардан бошқа бирор бир амал таҳоратни кеткизмайди. Валлоҳу аълам.
