Шу ҳадис саҳиҳми?
14:28 / 19.06.2015 | Anas | 2347
Ассалому алайкум! Ҳурматли устозлар мен бир китобда ҳадис ўқигандим, лекин у ҳадиснинг ровийлари аниқ эсимда йўқ. Лекин матни эсимда: Расулуллоҳ соллаллоҳу алайҳи васаллам бундай деганлар ким менинг ҳадисларимдан 40 тасини ёдласа, мен унга шафоатчи бўламан! Агар шу ҳадис саҳиҳ бўлса 40 ҳадисни арабча матни, таржимаси ва ровийларини ҳам ёддан билиш керакми?
«Зикр аҳлидан сўранг» ҳайъати:
Ва алайкум ассалом! Ҳақиқатан ушбу маънодаги ҳадис бор, лекин барча ҳадис уламолари ушбу ҳадисни заиф эканлигига иттифоқ қилишган. Шундай бўлсада деярли барча уламолар ҳар бир мавзуга тегишли бўлган 40тадан ҳадисни жамлаб, рисолача қилишган. Валлоҳу аълам.
