Электрон савдо қилиш учун тарғиботчи

Ассалому алайкум, ҳурматли Шайх Ҳазратлари!Электрон китоб ишлаб чиқарувчининг китобини сотиш учун мижоз таклиф қилсам ва савдо бўлган ҳолда менга келишилган ўз улушимни беради. Менга ишлаб чиқарувчи ўз махсус сайти орқали ҳамкорлик ссилкамни беради. Бу махсус сайт - "Интернет дўкони" деб аталади. Мен одамларни интернет дўконига шу китоб ҳақида хабардор бўлишлари учун таклиф қиламан. Менинг махсус ссилкам орқали қачон нечта одам кириб электрон китоб ҳақида хабардор бўлганини ва мижозларнинг орасидан нечтаси савдо қилганини кузатиб тураман. Бундай ссилкалар мен каби одамлар учун ҳар кимда алоҳида бўлади. Ҳеч кимни ҳеч ким алдай олмайди. Мен учун бу ишим ҳалолми? Изоҳ: Савол пайдо бўлишининг сабаби МЛМдир. Юқоридаги ҳолатда мен ва мижозга талаб ёки шартлар қўйилмайди, МЛМда эса шарт қўйилади. Савдога қўйилган нарса ва хизматлар ҳалол пок, сотилган нарсани бериш ва олиш имкони бор. Мисол учун электрон китобнинг пулини тўлаганидан кейин, уни харидорга бериш имконияти бор.