Ақийдатут таҳовиядан савол

Сиз муҳтарам устоз таржима қилган "Ақидатут таҳовия" шарҳининг талхисини мутолаа қилаяпман. Табиийки, ўқиш асносида баъзи саволлар туғилмоқда. Мазкур китобнинг 230-саҳифасининг сўнгида шундай дейилибди: "... Юқоридаги зиддиятга берилган жавобнинг хулосаси шуки, амалий куфр, ёки мажозий куфр ва ёки Аллоҳ ҳалол қилганини ҳаром санаш, ҳаром қилган нарсани ҳалол санаш ёки уларни ҳақир санаш ҳақиқий куфрдир". Иқтибос тугади. Ундан юқорида баъзи куфр дейилган амаллар эътиқодий куфр эмаслиги балки амалий, мажозий куфр эканлиги айтилган. Мисол учун, одам ўлдириш, намозни тарк қилиш каби. Лекин пастда гапнинг хулосасида амалий (мажозий) куфр ҳам "ҳақиқий куфр" дейиляпти. Илтимос мана шу жумлани тушунтириб беринг.