Эркак киши қандай матодан кийим киймоғи даркор?
11:24 / 04.10.2014 | Latifjonov MIR | 3485
Ассалому алайкум, ҳурматли Шайх Ҳазратлари! Яқинда бир ҳадисни ўқиб қолдим: Барро розияллоҳу анҳу ривоят қиладилар: Расулуллох саллаллоҳу алайҳи васаллам 7 нарсага одат қилиб 7 нарсадан хазар қилмоқни буюрдилар. Шу ҳадисни 7 нарсадан хазар қилмоқ деган жойида шундай деган эканлар: Кумуш идиш тутмоқдан, Тилла узук тақмоқдан, Ипакли кийим киймоқдан (эркаклар назарда тутилган), Дебож (гулдор ипакли кийим) киймоқдан, Касий (дағал матодан тиқилган кийим) киймоқдан, Истабрак (атласга ўхшаган мато) киймоқдан, (бу ривоятда 7-нчиси тушуриб қолдирилган). Илтимос, бу матолар қандай мато эканлиги аниғроқ қилиб тушунтириб берсангиз.
Шайх Муҳаммад Содиқ Муҳаммад Юсуф роҳимаҳуллоҳ:
Буларнинг ҳаммаси ипакдан. Эркак кишига ипак кийиш ва тилло ҳамда кумушдан тақнчоқ тақиш ҳаром қилинган.
