Чет элдан ускуна келтириб бериш эвазига ҳақ олиш

Ассалому алайкум, ҳурматли Шайх Ҳазратлари! Мен корхоналарга уларнинг талабига биноан чет элдан (Хитойдан) ускуна ва хом ашё келтириш бўйича воситачилик қилиш билан шуғулланаман. Менинг ишим харидорга аниқ товарни топиб бериш, уни сотувчи билан техник муҳокама қилиш, шартнома тузиш ва транспортация қилишдан иборатдир. Сотиб олувчидан хизмат ҳақимни асосан умумий товар сўммасидан фоизда (комиссия) олишга келишамиз. Кўп ҳолларда Хитойдаги сотувчи-завод менга харидор топиб берганим учун комиссия таклиф қилишади. Шуни аниқ биламанки, харидор мен билан шартлашаётган пайтда мендан сотувчидан ҳақ олмасликка ва фақат ўзидан ҳақ олишликка келишган бўлса ва мен унга рози бўлиб, сотувчидан ҳам харидордан ҳам ҳақ олсам у аниқ ҳаром. Агар шартлашаётганимизда мени сотувчидан ҳам ҳақ олиш-олмаслигим келишилмаган бўлса ва мен харидордан қилган хизматларим учун ва сотувчидан ҳам харидор топиб берганим учун комиссия олсам у ҳалол бўладими?