Сотиш мумкинми?
09:37 / 08.11.2015 | Hasanhoja | 2487
Ассалому алайкум! Бир дўстимнинг саволи билан мурожаат қилмоқдаман. У бир ташкилотда ишлайди. Ҳар ойнинг бошида ўша ташкилот баъзи ишчиларига ойлик чипта(пройездной) ва метрога жетонлар беради. Албатта ойлик чиптанинг тан нархини 20% ини дўстимнинг ойлигидан ушлаб қолиб, қолганини ташкилот ёки профсоюз тўлаб беради. Аммо дўстим у ойлик чиптадан фойдаланишига ҳожат йўқ. Шунинг учун ўша ойлик чиптани 80-90% нархига бошқа одамга сотиб, ўша пулни йўл кирасига ишлатиши жоизми?
«Зикр аҳлидан сўранг» ҳайъати:
Ва алайкум ассалом! Ташкилотнинг низомига биноан бу имтиёз барчага тегишли бўлиб, шахсий улови борларга ҳам бериладиган бўлса ва у ўз ҳаққини ўзгага жинси бошқа бўлган пулга сотса бўлади. Акс ҳолда жоиз эмас. Валлоҳу аълам.
