Террорчилар кимлар?

Ассалому алайкум! Ҳурматли устозлар! Бу саволим мени анчадан буён қизиқтириб келади. Ҳозирги кунда кўпгина давлатларда Ислом динини ниқоби остида қўпорувчилик ишлари олиб бораётган баъзи жамоалари, яъни ТЕРРОРИРСТЛАР ҳақида бир неча саволим бор эди.
1. Улар кимлар, мақсади ва улар ҳақида Қуръони Карим ёки саҳиҳ ҳадисларда маълумотлар келганми?
2. Бу жиноятчи гурухлар томондан шафқатсизларча одамлар сўйилгани, отиб ташлангани каби видеолар мавжуд. Ахир Ислом динида одам ўлдириш энг оғир гуноҳларданку. Пайғамбарларимиз тарихига эътибор берсак Аллоҳ таоло Идрис алайҳиссаломга Қобилнинг қавмини йўқ қилишга, яъни жиҳод қилишга буюради. Бундан олган хулосам, агар жиҳод қилиш керак бўлганда Аллоҳ таоло буюрмоқда. Бу террорчи жамоалар жиҳодга чақиришмоқда. Шу ишлари тўғрими? Қуръонда жиҳод шу тарзда фарз қилинганми? Бу ишлар Исломга қарши ишдек туюлмоқда, бошқаларда Исломга нисбатан қурқув пайдо бўлмоқда!