Қуръон ёдлашми ёки уни ўқиш?

Ассалому алайкум! Азиз биродарлар, «Қуръони Каримнинг машҳур суралари фазилати» китобининг жилдида «Қуръони Карим қироатлари одоблари» тўғрисида бир қатор эслатмалар келтирилган. Шу эслатмаларнинг 7-пунктида «Ёддан ўқигандан кўра Қуръонга қараб ўқишнинг савоби кўпроқдир. Зеро, қироат бир ибодат бўлса, Қуръонга назар қилиш ҳам бир ибодат ҳисобланади» деб ёзилган экан. Қуръонга иймони кучли инсонлар ҳам ёдлаб, ҳам ўқиб қироат қилишлари мумкин, лекин мендек иймони заифлар бу ёзувларга ишониб, Қуръондан суралар ёд олишга бўлган иштиёқига дарз кетмайдими? Юқорида келтирилган сўзлар қанчалик тўғри? Ёки у сўзларни тушуниб етишга мени ақлим ноқислик қилдимикан. Жавобингиз учун миннатдорман.