Белбоғ ҳақида
19:37 / 11.05.2016 | Одилжон | 3732
Ассалому алайкум! Ҳурматли устозлар, мен масжидга кириб белбоғимни ечмасдан намоз ўқир эдим. Шунда бир одам “намозни қайтариб ўқиб олгин” деб айтди ва яна бир киши “буни ҳеч қандай кароҳияти йўқ” деб қолди. Хуллас бир ҳафтадан бери масжидимизда шу масалада тортишув бошланган. Намозни белбоғ билан ўқиса бўладими? Жавобингиз учун олдиндан раҳмат. Бу сайтга биринчи бор савол беряпман, хатолар қилган бўлсам узр.
«Зикр аҳлидан сўранг» ҳайъати:
Ва алайкум ассалом! “Намозни қайтариб ўқиб олгин” деган гап мутлақо нотўғри. Намозхонлар бу каби масалаларда жанжал қилгандан кўра, бенамозларни намозга чақиришларингиз ёшларингизга муносиб бўлар эди. Ҳазратимизнинг "Кифоя" китобларини олиб ўқинглар. У ерда намозда макруҳ бўлган амалларнинг барчаси ёзилган. Валлоҳу аълам!
