Намоз вақтлари
20:33 / 23.05.2016 | Sardor | 2826
Ассалому алайкум! Мен ҳозир Россиядаман. Бу ерда аср намозига икки хил вақтда азон айтилади. Бир масжидда 16-27 да, бир масжидда 18-30 ларда, “муслим таквим”да эса 17-23 кўрсатилган. Мен 18-30да ўқийман. Қай бири тўғри? Пешинни охирги вақти 16-27 гачами ёки 17-23гача?
«Зикр аҳлидан сўранг» ҳайъати:
Ва алайкум ассалом! Сиз турган жойингизни тақвимига амал қилишингиз шарт. Рўза борасида ҳам. Имом Аъзам раҳматуллоҳи алайҳнинг икки шогирди Абу Юсуф ва имом Муҳаммад раҳматуллоҳи алайҳларнинг қавлларига кўра 16-27да аср вақти киради. Имом Аъзам раҳматуллоҳи алайҳнинг қавлларида эса 18-30да. Эҳтиётан пешинни 16-27гача қолдирмай, асрни эса 18-30ларда ўқигинингиз афзал. Валлоҳу аълам!
