жамоат намози
00:00 / 26.10.2009 | eski savollar | 3204
Ҳурматли устозсавол:Биз ишлайдиган жой ягинида масжид жойлашган. қо'лдан келганча жамоат намозларини о'ша масжидда о'қишга ҳаракат қиламиз. лекин у ердаги имом домламизнинг қироати ва тажвиди дуруст эмас. демоқчиманки жамоатда чиройли қироат қилувчи ва тажвиди го'зал инсонлар ко'п. шунга қарамасдан жамоат намозинининг савобидан умидвор бо'либ катта жамоат билан намоз о'қиганимиз дурустми ёки жамоат намози битгач кичик жамоат билан, қироати ва тажвиди яҳшироқ биродарлар билан намоз о'қиган дурустми? олдиндан раҳмат
Шайх Муҳаммад Содиқ Муҳаммад Юсуф роҳимаҳуллоҳ:
Бу савол ҳар куни такрорланади десак, муболаға қилмаган бўламиз. Умумий қоида, қироатни биладиган одам уни билмайдиган одамнинг орқасидан иқтидо қилмаслигидир. Қироатни билмайдиганлар Аллоҳдан қўрқишлари, ўзларидан ҳақли одам борлигида имомликка ўтмасликлари керак. Акс ҳолда гуноҳкор бўладилар ва унга иқтидо қилган қори киши намозни бошқатдан ўқишига тўғри келади. Бу каби ҳолатларда тушунтириш орқали тажвидни билмайдиган одамларни имомлик қилмаслигини йўлга қўйиш керак.
