Закот масаласида
16:25 / 11.02.2017 | Habib | 2557
Ассалому алайкум! Маълумки, ўзбек оилаларида кичик ўғил фарзанд ота-она билан оилада бирга қолиб, катталари эса бошқа уй-рўзғор қилиб чиқиб кетадилар. Кичик ўғил фарзанднинг мол-дунёси нисобга етиб закот бермоқчи бўлганда ўз синглисига берса бўладими?
«Ўзинг ҳам молу-дунёинг ҳам отангникидир» деган ҳадис бор. Аканинг сингилга берган закоти отанинг мулки бўлгани учун закот ўрнига ўтадими? Ёки ака бу мулкни ўзи тақсимлаш ҳуқуқига эгами?
«Зикр аҳлидан сўранг» ҳайъати:
Ва алайкум ассалом! Аканинг топгани отанинг қўлига ҳадя сифатида топширилган бўлса у отанинг мулки бўлиб, ундан ажратилган закотни сингилга бериб бўлмайди. Агар топган мулки аканинг ўз қўлида бўлса, синглисига закот деб бериши жоиз. Сиз келтирган ҳадис бутунлай бошқа маънодадир. Валлоҳу аълам!
