Мусофир намози

Ассалому алайкум! «Мусофир ўзи яшаб турган маконининг томлари, дарахтлари кўринмайдиган жойдан бошлаб намозларни қаср ўқийди…» (Мўминнинг меърожи Муфассал намоз китоби.) (Устозимизнинг жойи жаннатдан бўлсин бизга шундай улкан илмий мерос қолдирдилар!) Саволим қуйидагича: Яшаб турган манзилимдан масофаси 96 км дан узоқ бўлган маконни мўлжал қилиб сафарга чиқдим. Йўлда айтайлик 40 км масофа босиб ўтганимдан сўнг аср намозини вақти кирди. Қаср ўқийманми ёки ватанимдан 96 км узоқлашмаганим учун хали муқимманми? Китобни варақлаб юқорида келтирган жумлани топдим, лекин илмсизлигим туфайли бир қарорга келолмаяпман. Жавобингиз учун олдиндан раҳмат!