Таҳоратда оёқни хўл латта билан ювиш
Ассалому алайкум! Одатда, айниқса аёлларимизга иш жойларида тахорат олиш учун юз қўлларини ювиш мушкул бўлмасада, оёқларини ювиш қийничилик туғдиради. Бунга хожатхоналарнинг кўп сонли аёлларга мўлжалланганлиги (алохида эмас) ва раковинага оёқни чиқариб ювиш одобга ва уларнинг зийнатига тўғри келмаслиги сабабдир. Шундай холатларда, тахорат олишда оёқни сув билан яхшилаб хўлланган латта билан ювиш (ёки артиш) мумкинми? Оёқни ювиш фарз амаллигини билган холатда, уни ювишнинг миқдори энг камида қанча бўлиши керак? Жавобингиз учун олдидан раҳмат.
Ва алайкум ассалом! Бунинг учун оёқни раковинага кўтаришга ҳам ҳўл латтани ишлатишга ҳам ҳеч қандай ҳожат йўқ. Бир обдаста ёки кичик бир идиш кифоя қилади. Ҳамма таҳоратхонада сув кетадиган траплари бўлади. Қолаверса ҳўл латта билан артилса фарз адо бўлмайди. Валлоҳу аълам!
