Менда кибр борми?
14:33 / 26.06.2018 | Hojiakbar | 2758
Ассалому алайкум! Мен биродаримга озор бермаган, дилини оғритмаган ҳолда сухбат қураман лекин кўпчилик мени кибрли кимсага тенглаштиради. Лекин Инша Аллоҳ ен кибрли инсон эмасман. Оддий Аллоҳнинг қулиман. Фақат менга ҳақиқат керак, қолган нарсаларни эшитишга тоқатим йўқ. Балки шунинг учун кўп сафсата гапирувчилар мени кибрли деб ҳисоблар. Лекин менинг руҳий тарбиям шундай. Илтимос менга шу масалада маслаҳат берсангизлар. Жавоб учун олдиндан катта раҳмат.
«Зикр аҳлидан сўранг» ҳайъати:
- Ва алайкум ассалом! Бу кибр ўта махфий касалликдир. Уни моҳир руҳий тарбия устозидан аниқлаб олиш керак. Чунки кибр атом заррасига ўхшайди. Қайси қалбда у бўлса бутун солиҳ амалларни яксон қилиб юборади. Расулуллоҳ соллаллоҳу алайҳи васаллам “Қалбида заррача кибри бор одам жаннатга кирмайди” деганлар. Шунингдек инсон ўз нафсини хорлашлиги ҳам жоиз эмас. Шу иккисининг ўртасини топиш керак. Валлоҳу аълам!
