Намоз вақти жонлиқ сўйиш

- Ва алайкум ассалом! Ҳайт куни ҳайт намозидан олдин сўйилган жонлиқ қурбонликка ўтмайди. 

عَنْ أَنَسٍ رَضِي اللهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ: «مَنْ ذَبَحَ قَبْلَ الصَّلَاةِ فَلْيُعِدْ». فَقَامَ رَجُلٌ فَقَالَ: هَذَا يَوْمٌ يُشْتَهَى فِيهِ اللَّحْمُ. وَذَكَرَ مِنْ جِيرَانِهِ فَكَأَنَّ النَّبِيَّ صَلَّى اللهُ عَلَيْهِ وَسَلَّمَ صَدَّقَهُ، قَالَ: وَعِنْدِي جَذَعَةٌ أَحَبُّ إِلَيَّ مِنْ شَاتَيْ لَحْمٍ، فَرَخَّصَ لَهُ النَّبِيُّ صَلَّى اللهُ عَلَيْهِ وَسَلَّمَ فَلَا أَدْرِي أَبَلَغَتِ الرُّخْصَةُ مَنْ سِوَاهُ أَمْ لَا 

Анас розияллоҳу анҳудан ривоят қилинади:
«Набий соллаллоҳу алайҳи васаллам: «Ким намоздан олдин қурбонлик сўйган бўлса, бошқатдан (қурбонлик) қилсин», дедилар. Бир киши турди-да: «Бугун гўшт ейиладиган кун...» деб, сўнг қўшнилари (фақир экани) ҳақида гапирган эди, Набий соллаллоҳу алайҳи васаллам буни тасдиқлагандек бўлдилар. У: «Менда бир жазаъа* бор. У мен учун иккита бўрдоқи қўйдан ҳам яхши», деди. Набий соллаллоҳу алайҳи васаллам унга рухсат бердилар. Бу рухсат ундан бошқасига ҳам ўтадими-йўқми, билмайман».

* Жазаъа – Абу Ҳанифа раҳматуллоҳи алайҳининг айтишларича, олти ойлик қўй-эчки. Бу воқеада жазаъа деганда бир ёшлик улоқ назарда тутилган. (“Олтин силсила” китобидан Саҳиҳул Бухорий). Валлоҳу аълам!