Қарзни чиройли қайтариш
14:37 / 08.11.2018 | Abdujalil | 2163
Ассалому алайкум! Мен дўстимда қарз олган эдим. Қайтариш муддати келганда қарз миқдоридан кўпроқ қилиб қайтармоқчиман. Қарз олишдан олдин дўстим билан бунга келишмаган эдик, дўстим бундан мутлоқ беҳабар. Бу қилмоқчи бўлган ишимга шариатнинг ҳукми қандай? Бу вазиятни тақиқловчи ёки тасдиқловчи ҳадис шарифлар бўлса юборишни илтимос қиламан.
«Зикр аҳлидан сўранг» ҳайъати:
- Ва алайкум ассалом! Шартлашмаган бўлсангиз чиройли қилиб қайтаришингиз афзал.
القرض جائز بالسنة والإجماع، فإن النبي صَلَّى اللهُ عَلَيْهِ وَسَلَّمَ استقرض بكراً من الإبل، ورد جملاً خياراً، وقال:« إن من خير الناس أحسنهم قضاء» رواه البخاري
Қарз бериш суннат ва ижмоъ билан собит бўлган, чунки Набий соллаллоҳу алайҳи васаллам урғочи туяни қарзга олиб, эвазига яхши эркак туя берганлар ва «Одамларнинг яхшиси қарзини чиройли тарзда адо қилувчисидир», деганлар. Валлоҳу аълам!
