Ваҳҳобийлик
00:00 / 30.05.2007 | eski savollar | 5429
Ассалому алайкум шайх ҳазратлари. Аллоҳ сизга қилаётган эзгу ишларингизда куч-қудрат ва сабр-қаноат ато этсин. Илмингизни бундан ҳам зиёда қилсин. Ҳазрат мени саволим қуйидагича:1. Ваҳҳобийлик бизда қаттиқ қораланади ва биз ҳам уларни адашган экстримистик гуруҳлардан деб билар эдик. Лекин яқинда Саудия Арабистонида барча мусулмонлар ваҳҳобийлигини эшитиб қолдим. Буни қандоқ тушуниш мумкин? Ёки биздаги ваҳҳобийлар ва у эрдаги ваҳҳобийлар бошқа-бошқами?2. Ваҳҳобийлик фирқами, мазҳабми ёки бошқа нарсами?3. Умуман ақидавий мазҳаб, фикҳий мазҳаб, фирқа, ҳизб каби тушунчалар ўртасидаги фарқни тушунтириб берсангиз.4. Бошқа мазҳаб китобларини бизнинг мазҳабларникидан қандоқ фарқласа бўлади?Жавобингиз учун олдиндан раҳмат, Аллоҳ рози бўлсин.
Шайх Муҳаммад Содиқ Муҳаммад Юсуф роҳимаҳуллоҳ:
2. Бу гаплар якин йилларда ва батафсил ёзилгани учун ўшалардан фойдаланишни тавсия киламиз. 3.Мазхаб маълум маънавий йўлни билдиради. Бизда фикхий мазхабни мазхаб дейиш одат бўлган.Фикрий мазхаб ўрнига исломий манбаларда акийдавий мазхаб истилохи ишлатилади. Яъни, эътикод масалаларини баён килувчи мазхаб.Фирка гурух дегани.Хизб партия дегани.4. Бошқа мазхаб китобларининг кўпида унинг қайси мазхабда экани ёзилади ёки муаллифидан билиб олинади. Улардан хам билиб бўлмаса, гапнинг боришидан, энг осони илмли кишидан сўраб билинади.
