Умар Ибн Хаттоб розияллоҳу анҳунинг иймон келтиришлари
18:04 / 30.04.2019 | Mirzakarim | 1907
Ассалому алайкум! Ибн Саъд, Ал Хоким ва Байҳақийлардан ривоят қилинишича, Умар ибн Хаттоб розияллоҳу анҳу куёвлари ва сингилларини Исломга кирганини эшитгач олдиларига борадилар. Шунда Умар ибн Хаттоб (р.а) суҳбат давомида айтадилар: "Ўзингиздаги ёзилган нарсани менга беринглар, ўқиб кўрайчи". Улар ғусл қилиб келишни талаб қиладилар. (Амаллар ниятга боғлиқдир, 14-бет). Савол: Қуръон оятлари анча йиллардан кейин ёзиб олишни бошланмаганми?
«Зикр аҳлидан сўранг» ҳайъати:
- Ва алайкум ассалом! Расулуллоҳ соллаллоҳу алайҳи васалламга ваҳий нозил бўлишни бошланганидаёқ ёзишни билувчи саҳобаларга ёздириб қўйганлар. Бир неча йилдан кейин ўша саҳифалар бир неча китоб шаклида жамланган. Валлоҳу аълам!
