Илм ҳақида

Ассалому алайкум! Талабаман. Курсдошларим билан ҳозирча муносабатимиз яхши. Лекин улар бу муносабатдан ўз манфаатлари йўлида, мендан ёрдам сўрашади. Бизнинг университетда таълимнинг кредит тизими йўлга қўйилган. Бу шундай тизимки, унда пора бериб бўлмайди. Шунинг учун кўпчилик ўқимаган, билими саёз талабалар жуда қийналишмоқда. Курсдошларим ҳам шундай. Улар мендан мустақил ишларда ёрдам сўрашади. Кўпинча топшириш муддатига озгина қолганда, "ёрдам беринг, қолиб кетаман" деб бутун бошли мустақил ишларни менга бажартириш пайида бўлишади афсуски. "Агар ўргансангиз ўргатаман" десам, "биз тушунмаймиз, сиз фанни яхши биласиз, курсдошмизку ахир, ёрдам берсангиз нима қилибди" дейишади. Мен иккиланиб қоламан, агар уларга шу тахлит ёрдам бераверсам, улар фанни "4" баҳога ёпишса, қолган "3"чиларнинг ҳаққига хиёнат бўлмайдими? Ўзим ҳам айрим фанлардан бошқа дўстларимдан ёрдам сўрайман, улар ҳам мендан мен биладиган фанлардан ёрдам сўрашади. Лекин улар ва курсдошларимнинг фарқи, дўстларим ўрганиш пайида. Курсдошларим эса йўқ. Бу ҳолат мени безовта қилаяпти. Курсдошларимга қўлимдан келганича ёрдам берайми? Ёки улар мендан хафа бўлса ҳам рад этайми?