Эрнинг имкони бўлмаса ҳам аёли уйига бориши жоизми?

Ассалому алайкум. Сиз "Аёл кишининг ҳаққи" деган рукнда аёл кишини эр рухсатисиз ота-онасини зиёратига бир ҳафтада бир бориши тўғрисидаги бир саволга жавоб берибсиз. Шунга аниқлик киритмоқчиман. Мен ўзим шаҳарда тураман ва уйимдан 30 км узоқдан хотин олганман. Аёлимнинг уйига бориш учун 2-3 транспортдан фойдаланиш керак ва яна пиёда ҳам юриш керак. 2 та фарзандимиз бор (3 ёш ва 1 ёш), иккови ҳам ҳали ўзини эплаб олмаган. Шу сабабдан аёлимни бир ўзини фарзандларим билан юборгим келмайди (йўл қийинчилиги, транспортда номаҳрамлар ва ҳ. к.). Ўзим бирга олиб борай десам гоҳида вақтим йўқ, гоҳида шароитим (шахсий уловимда ҳам олиб бориб қўйиш ва қайтиб олиб келишга камида 10 литр бензин кетади - 20, 000 сўм) гоҳида шу пулга ҳам қийналаман. Ва яна ҳар борганида нимадир кўтариб бориш керак. Шу сабабли аёлимни уйига бориши гоҳида бир ойга ҳам ўтиб кетади. Савол: Менинг ҳолатимда ҳам, аёлим қаршилигимга қарамай уйига бир ҳафтада бир бориши жоизми?