Тижорат
23:35 / 14.06.2019 | SaidAxbor | 1992
Ассалому алайкум! Биз бир дўкони ижарага олиб 4 йилдан бери шу ердан рўзғор тебратамиз. Лекин ижарачи ўзига тўқ пулга мухтож эмас(3та машинаси ва ортиқча мол-мулки бор) бўлмасада арзирли бахоналарсиз дўконимизни олиб қўйди. Ижарани кўтаришга олдиндан олишга рози бўлмади. Бунга асосий сабаб келган вақтимиздан кўра хозир савдони 10 баробар кўтарилганида. У қонунан хеч қандай қоидани бузмади. Лекин шариатни хукми қандай? Сабаби у хам 5 махал ибодатда. Бизда бундай ишлар кўп такрорланади шу сабаб сизларга мурожат қилдим. Аллоҳ хеч биримизни тўғри йўлдан адаштирмасин.
«Зикр аҳлидан сўранг» ҳайъати:
- Ва алайкум ассалом! Ҳамма вақт ҳам қонун билан иш битавермайди. Инсонда виждон, инсоф, мўминларга хайрихоҳлик деган нарсалар ҳам бўлиши керак. Валлоҳу аълам!
